Nazm: Iqrar

(No Ratings Yet)

 Loading ...

———-
Iqrar
———-

ye bateN
gerchy aisi to nahiN haiN!
jinheN lafzoN k paira’ey meiN hi
tum se kahiN
to tum ko in sab pr yaqeeN aa’ye…
k meri zindgi me kitni ehmiyat tumhari hay!
maiN kis hadd tak tumhari zaat se huN munsalik!
ya phir,
tumhary hony ya na hony se
kya farq paRta hay….

ager tum phir bhi sun’na chahty ho to,
to suno!
mry ik aik pal pr
sab se ziada haq tumhara hay!
tumhari zaat se wabasta sary gham mery haiN!
meri khushiaN tumhari haiN!
tumhara hona meri zindgi meiN youN zuroori hay
k jesy saans leny k liay
taza hawa!!!
————————-